KUNDALINI

YOGA NIDRA

TÓNLIST

HLJÓÐ

HEILUN

MÓAR HEIMA

Móar Heima er heimili á netinu sem er alltaf opið fyrir þig — rými fyrir iðkun, nærveru,
sköpun og tengsl við náttúruna og lífið sjálft.
‍
Heimilið fylgir takti náttúrunnar og þeirri hreyfingu sem er lifandi hverju sinni. Hver
mánuður ber með sér nýjan tón og nýtt efni sem sprettur úr árstíðinni — bæði því sem
er að gerast í náttúrunni í kringum okkur og því sem hún getur speglað innra með okkur.
Móar Heima eru byggðir upp eins og heimili með ólíkum rýmum.
‍
Við arininn komum við saman í kringum þema mánaðarins.
‍
Í iðkunarrýminu má finna jóga, nidra, öndun, möntrur, hugleiðslur, tónheilun og aðrar
iðkanir.
‍
Í Bókahillunni er hægt að lesa, íhuga og kafa dýpra.
‍
Garðurinn leiðir okkur aftur út í náttúruna, árstíðirnar, jurtirnar, sköpunina og hið lifandi.
‍
Og í Herberginu þínu geturðu safnað því sem þú vilt hafa nálægt þér og skapað þína
eigin leið í gegnum heimilið.
‍
Þú þarft ekki að fara inn í öll herbergin. Þú þarft ekki að komast yfir allt efnið.

Móar Heima er ekki enn eitt verkefnið sem þú þarft að klára. Fremur heimkoma
þar sem við spyrjum: Hvað þarftu á að halda í dag?

Áskrift

Með áskrift að Móar Heima færðu aðgang að öllu efni. Þar finnur þú lengri og styttri iðkanir, möntrur, hvíld, cacao samverur og annað efni sem þú getur stuðst við á þínum forsendum. Safnið vex jafnt og þétt og á meðan áskriftin þín er virk og þú getur endurtekið uppáhalds stundirnar þínar eins oft og þú vilt.

Móar Heima

8.900 kr/mánuði

Í áskriftinni er meðal annars:
-
Aðgangur að öllu iðkunarsafni Móa
-
Jóga, jóga nidra, kundalini, öndun, möntrur, hugleiðslur, tónheilun, kakóiðkanir og
fleira
-
Nýtt efni í hverjum mánuði sem fylgir árstíðinni og þema mánaðarins
-
Pistlar, bænir og dagbókarskrif
-
Jurtir, uppskriftir, náttúrugöngur og skapandi verkefni
-
Tónlist, lagalistar og annað efni sem fylgir hljóðheimi árstíðarinnar
-
Rætur Móa — efni fyrir þau sem vilja kafa dýpra í hugmyndirnar, hefðirnar og
grunninn að miðluninni
-
Samvera á Zoom við hvert nýtt tungl
-
Fjórir árstíðahittingar í persónu á ári í kringum jafndægur og sólstöður.
-
Aðgangur að öllu safninu á meðan áskriftin þín er virk
Kaupa áskrift

Engin binding. Nýtt efni bætist við í hverjum mánuði og þú hefur aðgang að öllu safninu á meðan
áskriftin þín er virk.

Dyrnar standa þér opnar.

UM LÁRU

Lára hefur haldið rými með cacao, jóga, möntrum og hugleiðslu síðan 2016. Hún hefur lært af ólíkum hefðum, en það sem hefur mótað hana mest er reynslan af að skapa örugg og nærandi rými fyrir fólk til að dýpka iðkun sína.

Árið 2021 opnaði hún Móar Studio í Bolholti, á tímum heimsfaraldurs þegar þörfin fyrir tengingu og andlega næringu varð skýr. Þar skapaði hún áfallamiðað rými sem studdi fólk í að mæta sjálfu sér með nærveru, ábyrgð og virðingu.

Í dag heldur sú sýn áfram í nýju formi. Lára vinnur út frá einfaldleika, meðvitund og tengingu við jörðina, og trúir á kraft samveru og lífsorku til góðra verka.

Móar Heima & Samfélag er framhald þeirrar vegferðar — lifandi rými á netinu og í raunheimum, þar sem fólk er stutt í að finna sinn farveg og lifa í meiri samhljómi við sjálft sig og náttúruna. Undir eigin nafni hefur Lára gefið út sjö plötur og unnið með tónlist sem speglar innri leit, tilfinningar og náttúru.

Röddin er henni lykilverkfæri — í tónlist, möntrum og tónheilun — og brú milli líkama, vitundar og samfélags. Undir nafninu Silvra fær þessi sköpun nýjan farveg, þar sem hljóð og nærvera mætast í dýpt og tengingu.

Meðmæli

"Það er eitthvað alveg einstakt við Láru. Hún kemur með hlýju, einlægni, ró og bros inn í hvern einasta jógatíma og miðlar þekkingu í mikilli mýkt."

Aðalheiður Gísladóttir

"Lára er ofsalega hlý og djúp, fyrir mér ert hún eins og djúp tær lind sem bara er án þess að biðja um neitt eða ætlast til neins. Það er svo töfrandi og heilandi að vera nálægt henni og heyra það sem hún ber með sér til okkar."

Helga Kristjánsdóttir

"Lára er algjörlega einstakur kennari og töfrar fram söng, hlýju, slökun, afslöppun og mér líður alltaf vel eftir tíma. Möntrukvöldin eru mögnuð og ég fer út með orku, hlýju og gleði með mér í hvert einasta skipti"

Anna Steinsen

1:1 Einkatímar

Lára býður upp á einkatíma fyrir þau sem vilja staldra við, hlusta inn á við og tengjast líkama sínum og innra lífi á dýpri hátt.

Þessir tímar eru ekki sálfræðimeðferð heldur stuðningsrými fyrir líkamsvitund,
jafnvægi fyrir taugakerfið og sjálfsskoðun.

Lára vinnur á áfallamiðaðan og næman hátt þar sem áhersla er lögð á öryggi, nærveru og að fylgja því sem er lifandi hverju sinni. Einkatímar geta verið stuðningur á tímum streitu, kulnunar, breytinga í lífinu eða þegar þörf er fyrir að dýpka tengsl við sjálfan sig, líkama sinn og sköpunarkraft.

Hver tími er einstakur og mótast af því sem þú þarft á að halda.

SAMTAL FYRIR TÍMANN

Fyrir tímann eigum við stutt samtal þar sem við skoðum hvað er að gerast í lífi þínu og hvað þú óskar eftir að fá út úr tímanum. Þetta hjálpar til við að móta tímann á þann hátt sem styður þig best. Samtal tekur 20-30 mín

TÍMINN SJÁLFUR

Í tímanum leiðir Lára þig í gegnum rólegar og nærandi æfingar sem geta meðal annars falið í sér:
‍
- líkamsvitund og somatíska vinnu
- öndunaræfingar, djúpa slökun / Yoga Nidra
- mjúka hreyfingu
- hljóð, rödd eða tónskálar
- craniosacral snertingu þegar það á við

Markmiðið er ekki að laga eða ýta ferlum áfram heldur að skapa rými þar sem líkaminn getur slakað á, losað spennu og fundið sitt eigið jafnvægi.

Tíminn tekur 75–90 mínútur

HEIMAIÐUN

Eftir tímann getur þú fengið einfaldar æfingar, hugleiðslu eða leiðbeiningar sem styðja við samþættingu og hjálpa þér að halda áfram að vinna með það sem opnaðist í tímanum.

EFTIRFYLGNI

Eftir fyrsta tímann er hægt að bóka einn eða fleiri tíma í eftirfylgni til að styðja áframhaldandi ferli og samþættingu.

Í þessum tímum gefst tækifæri til að dýpka vinnuna, fylgja því sem hefur verið að opnast og halda áfram að styðja líkama og taugakerfi í að finna meiri ró og jafnvægi.

Eftirfylgnitímar taka um 60 mínútur

panta tíma